28.8.2009

Menntamálaráðherra hefur skipað heimsminjanefnd til næstu fjögurra ára. Nefndin er þannig skipuð:

• Margrét Hallgrímsdóttir, forstöðumaður Þjóðminjasafns Íslands, formaður,

• Kristín Huld Sigurðardóttir, forstöðumaður Fornleifaverndar ríkisins,

• Lovísa Ásbjörnsdóttir, jarðfræðingur hjá Náttúrufræðistofnun, tilnefnd af umhverfisráðuneyti,

• Ragnheiður H. Þórarinsdóttir, sérfræðingur í mennta- og menningarmálaráðuneyti,

• Sigurður Á. Þráinsson, sérfræðingur í umhverfisráðuneyti, tilnefndur af umhverfisráðuneyti.

Hlutverk nefndarinnar er að fylgja eftir heimsminjasamningi UNESCO fyrir hönd ríkisstjórnarinnar. Í því felst m.a. að gera tillögur til ríkisstjórnar um íslenska staði sem ættu heima á heimsminjaskrá UNESCO um menningar- og náttúruarfleifð heims og undirbúa tilnefningar íslenskra staða á heimsminjaskrána. Tveir íslenskir staðir eru nú á heimsminjaskrá UNESCO: Þingvellir og Surtsey.

(Fréttin birtist á vef mennta- og menningarmálaráðuneytis 28.8.2009)